مدونة قدوة الإسلامية: و ما قدروا الله حق قدره ..

و ما قدروا الله حق قدره ..

الزمر

تعرف يعنى ايه ..

يعنى احنا ادينا لصحابنا قدرهم .. بننزل و بنخرج و كل يوم مع بعض و قهاوى و كافيهات و و و ..

و ادينا لشغلنا قدره .. بروح فى المعاد و بمشى فى المعاد و لو ورايا حاجة لازم أنجزها و و و و ...

و ادينا لتعليمنا و شهادتنا قدرها .. بروح المدرسة أو الكلية و بحضر و أصحى بدرى و أحضر كورسات و و و ..

لكن نيجى لربنا تبارك و تعالى و قدره .. تجد حال الناس مؤسف ..

ممكن نأخر الصلاة عادى جداً لو ورايا حاجة مينفعش أسيبها و أقوم أصلى مثلاً ..

معندناش وقت نفتح كتاب الله مع ان عندنا وقت لحاجات كتير ملهاش أى لزمة ...

مش عارف أبطل شتايم و تريقة عشان اتعودت ..

والله الحجاب ده حجاب قلب يعنى مش لازم ألبس لبس شرعى عادى يعنى ..

و الأمثله تطول ..

هل هذا هو قدر الله تعالى عندنا .. ؟؟

الدنيا أعطينها أكثر من قدرها !!

لكن نعطى الدين فتات الوقت هذا ان وُجد !

غفلة ما بعدها غفلة ..

قال تعالى " وما أكثر الناس ولو حرصت بمؤمنين " سورة يوسف ..

اللهم اجعلنا من القليل ..
اللهم لا تجعل الدنيا أكبر همنا ..
اللهم لا تجعلنا من الغافلين ..

اللهم آمين ..